Hólmfríður og Katrín með í sigurleik

Hólmfríður Magnúsdóttir og Katrín Ómarsdóttir í landsleik. mbl.is/Golli

Landsliðskonurnar Hólmfríður Magnúsdóttir og Katrín Ómarsdóttir spiluðu hvor sinn hálfleikinn fyrir norska knattspyrnuliðið Arna-Björnar þegar það vann Klepp 1:0 í æfingaleik í gær.

Hólmfríður og Katrín eru báðar samningslausar eftir að ljóst varð að ekki yrði spilað í bandarísku atvinnumannadeildinni í ár, og hafa verið að skoða aðstæður hjá Arna-Björnar. Þjálfari liðsins, Morten Kalvenes, sagði eftir leik að hann vissi vel hve góðir leikmenn Hólmfríður og Katrín væru. Þær myndu hins vegar halda til Íslands í dag, mánudag, og að ekkert væri víst um framhaldið.