Kristinn dæmir úrslitaleikinn

Kristinn Jakobsson. mbl.is

Kristinn Jakobsson hefur verið valinn til að dæma úrslitaleikinn á La Manga-mótinu í knattspyrnu á morgun en þá leikur FC Köbenhavn við Spartak Moskva.

Það verður þriðji leikur Kristins á fjórum dögum á Spáni. Hann dæmdi leik FC Köbenhavn og Rosenborg á laugardaginn og viðureign Tromsö og Kalmar í gær. Birkir Sigurðarson og Smári Stefánsson eru aðstoðardómarar með Kristni á mótinu.

Norska knattspyrnusambandið sér um framkvæmd mótsins og bauð Kristni að dæma á mótinu.