Jóhann lagði upp mark í stórsigri

Jóhann Berg Guðmundsson fagnar marki í leik með AZ. az.nl

AZ Alkmaar vann í kvöld stórsigur á útivelli gegn ADO Den Haag í hollensku úrvalsdeildinni í knattspyrnu, 6:0, og komst með því að hlið PSV Eindhoven á toppnum.

Bæði lið hafa nú 42 stig eftir 20 leiki en Twente er á hælum þeirra með 39 stig eftir 19 leiki.

Jóhann Berg Guðmundsson kom inná sem varamaður hjá AZ á 68. mínútu og aðeins fimm mínútum síðar lagði hann upp fjórða mark liðsins í leiknum fyrir Maarten Martens. Charlison Benschop skoraði þrennu fyrir AZ í leiknum.