Breytingar á stjórn KSÍ - Gísli inn

Gísli Gíslason er mikill Skagamaður og er hér fyrir miðju á myndinni. hag / Haraldur Guðjónsson

Gísli Gíslason var í dag kjörinn í stjórn KSÍ en hann tekur sæti Jóns Gunnlaugssonar sem ekki gaf kost á sér eftir 22 ár í stjórn sambandsins. Gísli fékk næstflest atkvæði í kjörinu en auk hans voru þau Ragnhildur Skúladóttir, Lúðvík S. Georgsson og Rúnar Arnarsson kosin til áframhaldandi stjórnarsetu.

Gísli var áður bæjarstjóri Akraness og einnig formaður knattspyrnufélags ÍA.

Geir Þorsteinsson, formaður KSÍ, var kjörinn á síðasta þingi til tveggja ára og því var ekki kosið um formann að þessu sinni.