Emil skoraði í sigri Hellas Verona

Emil Hallfreðsson var á skotskónum með Hellas Verona. Heimasíða Verona

Emil Hallfreðsson var á skotskónum þegar Hellas Verona bar sigurorð af Ascoli 2:0 í ítölsku B-deildinni í knattspyrnu í dag. Emil skoraði fyrra mark liðsins á 50. mínútu og heimamenn bættu svo við öðru marki á 90. mínútu.

Emil og félagar eru eftir leikinn í 3. sæti deildarinnar með 51 stig, jafnmörg og Pescara sem er í 2. sæti en leikið tveimur leikjum minna en Hellas Verona. Torino hefur leikið einum leik minna en Emil og félagar og er í efsta sæti með 53 stig. Sassuolo er í fjórða sæti einu stigi á eftir Hellas Verona og á tvo leiki til góða.

Toppbaráttan er því æsispennandi en tvö efstu liðin fara beint í ítölsku A-deildina. Liðin í fjórum næstu sætum eða 3. - 6. sæti fara svo í umspil.