Neita því ekki að ég hitti knöttinn vel

Emil Hallfreðsson. www.hellasverona.it

Skúli Unnar Sveinsson
skuli@mbl.is

„Voru þetta ekki einir 34 metrar?“ sagði Emil Hallfreðsson, leikmaður Verona í ítölsku B-deildinni, en hann skoraði glæsilegt mark og lagði upp annað þegar liðið vann Ascoli 2:0 um helgina.

Markið skoraði Emil með föstu skoti af um 34 metra færi, aðeins vinstra megin á miðjunni, og sendi knöttinn efst í hægra markhornið. „Ég neita því ekki að ég hitti knöttinn mjög vel. Svo var ég líka mjög ánægður með síðara markið sem ég lagði upp, það kom úr snaggaralegri og góðri skyndisókn,“ sagði Emil, en lið hans er nú í þriðja sæti B-deildarinnar og ætlar sér upp í efstu deild.

Glæsimark Emils gegn Ascoli (myndskeið).

Nánar er rætt við Emil í íþróttablaði Morgunblaðsins í dag.