Aron og Steinþór skoruðu (myndskeið)

Aron Jóhannsson í leik með 21-árs landsliði Íslands. Ómar Óskarsson

Aron Jóhannsson og Steinþór Freyr Þorsteinsson voru báðir á skotskónum í æfingaleikjum með liðum sínum í dag, AGF frá Danmörku og Sandnes Ulf frá Noregi.

Aron skoraði fyrsta mark AGF sem vann norska úrvalsdeildarliðið Haugesund, 3:1, í Tyrklandi en þar dvelja liðin í æfingabúðum. Andrés Már Jóhannesson lék ekki með Haugesund.

Steinþór Freyr skoraði fyrsta mark Sandnes Ulf, nýliðanna í norsku úrvalsdeildinni, sem unnu 2. deildar liðið Vidar, 3:2, á gervigrasvelli sínum í Sandnes.

Myndskeið af leik Sandnes og Vidar má sjá á meðfylgjandi slóð og Steinþór sést skora með hörkuskoti í byrjun þess:

Mörkin í Sandnes - Vidar.