Ari skoraði fyrir Sundsvall

Ari Freyr Skúlason. www.gifsundsvall.se

Ari Freyr Skúlason skoraði fyrsta mark sænska liðsins Sundsvall í dag þegar það sigraði Djurgården, 3:2, í Stokkhólmi en bæði liðin leika í sænsku úrvalsdeildinni í knattspyrnu á komandi tímabili.

Ari og félagar komu upp úr B-deildinni og hafa átt góðu gengi að fagna á undirbúningstímabilinu en þetta var þeirra fjórði sigur í jafnmörgum leikjum.

Ari, sem er að hefja sitt fimmta tímabil með Sundsvall, er í íslenska landsliðshópnum sem fer til Japans í næstu viku og mætir heimamönnum í Osaka á föstudaginn kemur.