Inter steinlá á heimavelli

Frá viðureign Inter og Bologna í kvöld. AP

Claudio Ranieri þjálfari ítalska knattspyrnuliðsins Inter er orðinn verulega valtur í sessi eftir háðuglegt 3:0 tap liðsins á heimavelli gegn Bologna í kvöld.

Stuðningsmenn Inter púuðu hressilega á leikmenn liðsins þegar þeir gengu af velli en Inter hefur tapað fimm af síðustu sex leikjum sínum og í þeim hefur liðið aðeins skorað 4 mörk en fengið á sig 15.

Inter er nú í sjötta sæti deildarinnar og vonir liðsins um að ná sæti í Meistaradeildinni fara dvínandi. Þrátt fyrir góðan sigur situr Bologna í 16. sæti deildarinnar.