Emil og félagar við toppinn

Emil Hallfreðsson. www.hellasverona.it

Emil Hallfreðsson og félagar í Verona styrktu enn stöðu sína í toppbaráttu ítölsku B-deildarinnar í knattspyrnu í gær en þeir eru í 2. sæti á lakari markatölu eftir 1:0-sigur á Gubbio.

Emil lék allan leikinn á miðjunni hjá Verona og var nærri því að skora snemma leiks en markvörður Gubbio varði glæsilega skot hans frá vítateig. Argentínumaðurinn Juan Gomez Taleb skoraði sigurmarkið á 42. mínútu.

Sassulo og Verona eru með 54 stig í tveimur efstu sætunum en Torino er með 53 stig og Pescara 52. Torino og Pescara eiga bæði tvo leiki til góða en Torino mætir Sampdoria annað kvöld.