Zlatan missir af toppslagnum

Zlatan Ibrahimovic. Reuters

Svíinn Zlatan Ibrahimovic leikmaður Ítalíumeistara AC Milan missir af stórleiknum gegn Juventus í ítölsku A-deildinni á laugardaginn.

Ítalska knattspyrnusambandið varð ekki við beiðni AC Milan um að stytta leikbanns Svíans í tvo leiki en hann var úrskurðaður í þriggja leikja bann eftir að hafa verið rekinn af velli í viðureign AC Milan og Napoli fyrr í þessum mánuði.

AC Milan trónir á toppi deildarinnar með 50 stig en Juventus er stigi á eftir. Liðin mætast á heimavelli AC Milan.