Strákarnir sex mínútum frá undanúrslitum

Íslenska drengjalandsliðið í knattspyrnu var aðeins sex mínútum frá því að komast í undanúrslitin á Evrópumótinu í Slóveníu en þeir eru úr leik eftir ósigur gegn Georgíu í kvöld, 0:1, í lokaumferð riðlakeppninnar.

Georgíumenn skoruðu sigurmark sitt sex mínútum fyrir leikslok og tryggðu sér með því annað sætið í riðlinum og sæti í undanúrslitum. Á meðan töpuðu Frakkar 0:3 fyrir Þjóðverjum þannig að íslenska liðinu hefði dugað jafntefli til að vera fyrir ofan bæði Georgíu og Frakkland á markatölu.

Þjóðverjar fengu 9 stig, Georgíumenn 4, Frakkar 2 og Íslendingar 1 og íslenska liðið hafnaði því í 7.-8. sæti á mótinu.

Þýskaland mætir Póllandi og Georgía mætir Hollandi í undanúrslitunum um Evrópumeistaratitilinn á sunnudaginn.

• 1 blogg um fréttina

Bloggað um fréttina

• Kristján Magnús Arason: Hafa skal það sem réttara er!