Dregið var í riðla fyrir Meistaradeild Evrópu í knattspyrnu síðdegis í dag í Mónakó. Eitt Íslendingalið var í pottinum, Ajax frá Hollandi þar sem Kolbeinn Sigþórsson leikur. Ajax dróst í riðil með Barcelona, París SG og APOEL frá Kýpur.
Meistararnir frá síðustu leiktíð, lið Real Madríd dróst í B-riðil, með Basel, Liverpool og búlgarska liðinu Ludogorets Razgrad.
Riðlana má sjá hér fyrir neðan. Efsta liðið í hverjum riðli var dregið úr 1. styrkleikaflokki og svo koll af kolli.