Frumraun Alfreðs í byrjunarliðinu

Alfreð Finnbogason var seldur til Real Sociedad í sumar.
Alfreð Finnbogason var seldur til Real Sociedad í sumar. Ljósmynd/Rubén Plaza

Landsliðsframherjinn Alfreð Finnbogason leikur sinn fyrsta leik sem byrjunarliðsmaður í spænsku 1. deildinni í knattspyrnu í kvöld þegar lið hans Real Sociedad tekur á móti Getafe.

Alfreð hefur komið við sögu í þremur leikjum Real Sociedad í deildinni á tímabilinu, alltaf sem varamaður, en hann meiddist í öxl rétt áður en keppni í deildinni hófst. Þá hafði hann leikið nokkra leiki í byrjunarliði í forkeppni Evrópudeildarinnar.

Fyrir leikinn í kvöld er Real Sociedad í 16. sæti deildarinnar með aðeins 5 stig eftir 7 leiki en Getafe er með 7 stig í 14. sæti.

mbl.is
Fleira áhugavert
Fleira áhugavert