Hólmbert Aron Friðjónsson skoraði mark danska liðsins Bröndby þegar liðið tapaði fyrir sænska liðinu Örebro á æfingamóti í Portúgal í dag.
Hólmbert jafnaði metin fyrir sína menn á 19. mínútu leiksins en Örebro tryggði sér sigurinn í seinni hálfleik. Eiður Aron Sigurbjörnsson lék allan tímann fyrir Örebro og nýjasti liðsmaður þess, Hjörtur Logi Valgarðsson, lék síðasta stundarfjórðunginn.