Rýma þurfti heimavöll Dortmund, Westfalen Stadion og allt æfingasvæði félagsins í dag vegna sprengju sem fannst þar í nágrenninu. Sprengjan var 227 kíló að þyngd og er úr síðari heimsstyrjöldinni en hún fannst á loftmyndum vestan við völlinn.
Sprengjan fannst aðeins nokkrum klukkustundum áður en knattspyrnustjóri félagsins Jürgen Klopp ætlaði að halda blaðamannafund á svæðinu fyrir komandi leik liðsins gegn Schalke í þýsku A-deildinni um helgina. Sprengjan er sögð eiga breskan uppruna.
„Ekki er vitað hversu lengi svæðið verður girt af,“ sagði í stuttri yfirlýsingu frá félaginu.
+++EIL+++ Die #dobombe am Stadion ist entschärft! #BVB http://t.co/MqUgBo7MRX pic.twitter.com/WS5FX4zqvr
— RN Dortmund (@RN_DORTMUND) February 26, 2015