Fjórði sigur Dortmund í röð

Marco Reus gantast eftir að Dortmund skoraði fyrsta markið í …
Marco Reus gantast eftir að Dortmund skoraði fyrsta markið í dag. EPA

Dortmund hefur heldur rétt úr kútnum í þýsku Bundesligunni í fótbolta á undanförnum vikum. Liðið vann í dag Schalke, 3:0, og var þetta fjórði sigur liðsins í röð.

Það eru ekki margar vikur síðan Dortmund sat á botni deildarinnar og sæti Jurgens Klopp þjálfara liðsins sjóðandi heitt. En Klopp hefur heldur betur náð að stappa stálinu í sína menn og eftir sigurinn í dag er liðið komið upp í 9. sæti deildarinnar.

Pierre-Emerick Aubameyan, Henrik Mkhitaryan og Marco Reus skoruðu mörk Dortmund í dag sem kom öll á síðustu 12 mínútum leiksins.

mbl.is
Fleira áhugavert
Fleira áhugavert