Búið er að sekta þrjá stuðningsmenn Real Madrid fyrir að ráðast að bifreið velska sóknarmannsins Gareth Bale eftir tapið gegn Barcelona um síðustu helgi.
Á myndskeiðinu hér að neðan sjást stuðningsmennirnir ráðast að Bentley-bifreið kappans og hreyta þeir einnig í hann ókvæðisorðum.
Einnig varð þjálfari liðsins, Carlo Ancelotti fyrir aðkasti „stuðningsmannana“ ásamt framherja liðsins, Jesé Rodríguez.
Búið er að bera kennsl á að minnsta kosti einn þremenninganna og bíður hans sex mánaða bann frá heimavelli Madrídarliðsins, Santiago Bernabeu ásamt sekt.
Real Madrid er fjórum stigum á eftir erkifjendunum í Barcelona þegar 10 leikir eru eftir í deildinni.