Harald Aabrekk þjálfara norska úrvalsdeildarliðsins Aalesund var í dag sagt upp störfum hjá félaginu en tveir Íslendingar eru á mála hjá liðinu.
Þeir Aron Elís Þrándarson og Daníel Leó Grétarsson gengu í raðir Aalesund fyrir tímabilið en liðið hefur farið illa af stað í deildinni. Liðið situr á botninum með aðeins eitt stig eftir fjóra leiki. Aron Elís hefur ekkert komið við sögu með liðinu vegna meiðsla en Daníel Leó hefur spilað einn leik.