David Gill, sem kosinn var í framkvæmdastjórn Alþjóða knattspyrnusambandsins, FIFA, á ársþingi þess í gær tilkynnti í morgun að hann hyggðist ekki taka sæti í stjórninni. Þetta gerir hann í kjölfar þess að Sepp Blatter var endurkjörinn forseti FIFA.

Gill er fyrrum stjórnarformaður Manchester United og mætti ekki á fyrsta fund stjórnarinnar sem haldinn var í morgun. Hann átti að taka við hlutverki varaforseta FIFA fyrir hönd Bretlands, en hafði gefið út að hann hyggðist ekki taka því ef Blatter yrði endurkjörinn.

„Ég sé ekki fram á breytingar hjá FIFA til góða fyrir fótboltann á meðan herra Blatter er við stjórn. Þetta er ekki auðveld ákvörðun en atburðir síðustu daga hafa sannfært mig um að ég geti einfaldlega ekki starfað í stjórn FIFA undir hans stjórn. Ég átta mig á því að Blatter var kosinn í lýðræðislegum kosningum og óska FIFA alls hins besta á þessum erfiðu tímum. Ég einbeiti mér nú að stöðu minni innan enska knattspyrnusambandsins og þess Evrópska, UEFA,“ sagði Gill.  

Tengdar fréttir

FIFA-hneyksli

Enn einn skandallinn hjá FIFA

• Mútur, veislur og nudd
• Hægri hönd Blatters áfrýjar 10 ára banni
• Formleg rannsókn hafin á Blatter
• Bannið yfir Platini mildað

» Fleiri tengdar fréttir

• Blogga um frétt