Argentína burstaði Paragvæ, 6:1, í síðari undaúrslitum í S-Ameríkukeppninni í knattspyrnu í Síle í nótt og mætir Síle í úrslitaleiknum.
Argentínumenn, sem voru síðast í úrslitum árið 2007 og unnu titilinn síðast árið 1993, fóru á kostum og sáu Paragævar aldrei til sólar. Argentínumenn komust í 2:0 á fyrstu 27 mínútunum og litu ekki til baka eftir það þó svo að Paragvæar hafi náð að minnka muninn í 2:1 rétt fyrir leikhlé.
Lionel Messi náði ekki að skora í leiknum en hann átti þó þátt þremur mörkum sinna manna. Ángel Di Maria skoraði tvö mörk og þeir Marcos Rojo, Pastore, Sergio Agüero og Gonzalo Higuian skoruðu eitt mark hver.