NEC staðfestir komu Hannesar

Hollenska knattspyrnufélagið NEC Nijmegen hefur staðfest að það hafi samið við íslenska landsliðsmarkvörðinn Hannes Þór Halldórsson til tveggja ára en hann kemur nú þangað frá Sandnes Ulf í Noregi.

Hannes var einmitt rétt í þessu að ljúka kveðjuleik sínum með Sandnes Ulf. Hann gerði það á viðeigandi hátt og hélt hreinu í góðum útisigri á Hönefoss, 1:0. Hannes skilur við Sandnes Ulf í góðri stððu en liðið er í öðru sæti B-deildarinnar.

NEC er nýliði í hollensku úrvalsdeildinni, en er reyndar komið aftur þangað eftir aðeins eins árs fjarveru og liðið vann mikinn yfirburðasigur í B-deildinni í vetur. Kristján Gauti Emilsson, fyrrverandi leikmaður FH, er í hópi félagsins.

• Blogga um frétt