Michel Platini, forseti Evrópska knattspyrnusambandsins, UEFA, opinberaði nú fyrir hádegi að hann muni bjóða sig fram til forseta FIFA.

Svisslendingurinn Sepp Blatter hefur tilkynnt að hann muni láta staðar numið og verður ekki í framboði en hann hefur verið forseti FIFA frá árinu 1998. Kosið verður þann 26. febrúar næstkomandi.

„Það koma tímar í lífinu þar sem þú þarft að setja örlögin í eigin hendur. Ég er á þeim stað og vil taka slaginn í að skapa framtíð FIFA,“ segir Platini í tilkynningu sem hann sendi til allra sérsambanda FIFA.

Platini er á sínu þriðja kjörtímabili sem forseti UEFA en hann var þrívegis kjörinn Knattspyrnumaður ársins í Evrópu þegar hann var leikmaður Juventus á níunda áratug síðustu aldar. 

Tengdar fréttir

FIFA-hneyksli

Enn einn skandallinn hjá FIFA

• Mútur, veislur og nudd
• Hægri hönd Blatters áfrýjar 10 ára banni
• Formleg rannsókn hafin á Blatter
• Bannið yfir Platini mildað

» Fleiri tengdar fréttir

• Blogga um frétt