Leik FK Kukesi og Legia Varsjá í 3. umferð forkeppni Evrópudeildar UEFA í dag var blásinn af eftir að Ondrej Duda, leikmaður Legia, var grýttur af stuðningsmönnum albanska félagsins Kukesi.
Gert var hlé á leiknum og Duda var borinn af velli á sjúkrabörum. Hann skipti um treyju og bjó sig undir að fara á völlinn á ný en það varð aldrei að því vegna þess að dómarinn ákvað að blása leikinn af.
Seinni viðureign liðanna mun fara fram í Varsjá í Póllandi þann 6. ágúst.