Vildi ekki gefa Ronaldo númerið sitt (myndskeið)

Cristiano Ronaldo, stórstjarna Real Madrid, birti stórskemmtilegt myndband á Facebook-síðu sinni í gærkvöldi. Þar leikur hann ýmsar kúnstir með bolta á götum Madrídar í dulargervi og keppist við að fá athygli frá fólki sem á þar leið um. Ein kona neitaði að gefa upp símanúmer sitt þegar Ronaldo spurði hana og hraðaði sér í burtu frá honum.

Ungur drengur var þó til í að leika sér með Ronaldo. Þá greip Portúgalinn tækifærið og tók af sér dulargervið við mikla lukku nærstaddra. Ronaldo áritaði boltann og gaf unga drengnum áður en hann flúði gesti miðborgarinnar sem tóku að streyma að honum.

• Blogga um frétt