Landsliðsmiðvörðurinn Ragnar Sigurðsson og samherjar í rússneska liðinu Krasnodar komust örugglega áfram í forkeppni Evrópudeildarinnar í kvöld þegar liðið gerði jafntefli í Helsinki.
Ragnar og samherjar hans héldu hreinu í síðari leiknum gegn HJK í kvöld en leiknum lauk með markalausu jafntefli.
HJK fór illa með KR-inga fyrir nokkrum árum en varð að sætta sig við 1:5 tap samanlagt gegn Rússunum.
Ragnar lék að venju allan leikinn fyrir Krasnodar.