Barcelona gerði góða ferð þegar liðið heimsótti Baskaland í kvöld, en Katalóníumenn unnu 2:1 sigur gegn Athletic Bilbao í fyrri leik liðanna í átta liða úrslitum spænska Konungsbikarsins í knattspyrnu karla.
Lionel Messi og Luis Suárez léku ekki með Barcelona í kvöld, en í stað þeirra drógu Neymar og Munir El Haddadi vagninn í sóknarleiknum og sáu um markaskorun liðsins.
Aritz Aduriz minnkaði svo muninn fyrir heimamenn undir lok leiksins og veitti Athletic Bilbao örlitla líflínu fyrir seinni leik liðanna sem fram fer á Nou Camp eftir sléta viku.
Á sama tíma gerðu Celta Vigo og Atlético Madrid markalaust jafntefli.