Kaiserslautern sigraði Paderborn 4:0 í þýsku B-deildinni í knattspyrnu í kvöld en Jón Daði Böðvarsson lék sinn annan leik fyrir Kaiserslautern.
Jón Daði kom til Kaiserslautern frá Viking um áramótin en hann kom beint inn í byrjunarliðið í fyrsta leik eftir vetrarfrí. Liðið gerði þá 2:2 jafntefli gegn Union Berlin en liðið hafði þó annað í huga í kvöld.
Kaiserslautern vann góðan fjögurra marka sigur en Jón Daði lék allan leikinn í fremstu víglínu.
Liðið er í 6. sæti deildarinnar með 30 stig, sex stigum á eftir Rúrik Gíslasyni og félögum í Nurnberg sem sitja í 3. sætinu.