Emil Hallfreðsson, landsliðsmaður í knattspyrnu, lék allan leikinn er Udinese tapaði 1:0 fyrir Bologna í ítölsku A-deildinni í dag.
Miðjumaðurinn knái gekk til liðs við Udinese frá Hellas Verona undir lok félagaskiptagluggans en honum tókst strax að festa sæti sitt í byrjunarliðinu.
Hann spilaði allan leikinn í dag í eins marks tapi gegn Bologna en Mattia Destro skoraði sigurmarkið þegar tíu mínútur voru eftir.
Udinese er í 14. sæti deildarinnar með 27 stig á meðan Bologna er í 10. sæti með 33 stig.