Diego Simeone, knattspyrnustjóri Atletico Madrid, er ekki sammála kjörinu á besta knattspyrnumanni Evrópu en niðurstaðan var gerð opinber í gær.
Cristiano Ronaldo var kjörinn bestur en Simeone segir að Antoine Griezmann, leikmaður Atletico Madrid, hefði átt að verða fyrir valinu.
„Hann er afgerandi leikmaður og er klárlega einn af þremur bestu í heiminum,“ sagði Simeone um Griezmann.
„Hver sem vinnur á það skilið og ég óska Ronaldo til hamingju. Hann vann Meistaradeild Evrópu og Evrópumótið í sumar sem setti hann í góða stöðu. En það er ekki vafi um það í mínum huga að Griezmann var bestur,“ bætti Simeone við.