Elías Már Ómarsson heldur áfram að raða inn mörkunum fyrir Gautaborg í sænsku úrvalsdeildinni í knattspyrnu.
Elías Már skoraði síðara mark Gautaborgar í 2:0 sigri gegn Östersund í kvöld og hann hefur þar með skorað 4 mörk í þeim átta leikjum sem hann hefur spilað með liðinu. Elías var lánaður til liðsins frá norska liðinu Vålerenga í sumar.
Elías var í byrjunarliðinu en fór af velli á 83. mínútu en Hjálmar Jónsson sat á bekknum allan tímann hjá Gautaborgarliðinu.
Íslendingaliðið Hammarby vann 2:0 útisigur á móti Falkenbergs þar sem Ögmundur Kristinsson varði mark Hammarby og þeir Arnór Smárason og Birkir Már Sævarsson léku allan tímann.