Landsliðsmaðurinn Kári Árnason og félagar hans í Malmö, toppliði sænsku úrvalsdeildarinnar í knattspyrnu, fóru illa að ráði sínu í dag er liðið tapaði gegn Östersund 3:0 á heimavelli.
Kári lék allan leikinn að vanda í hjarta varnar Malmö.
Tapið í dag þýðir að AIK og Norrköping geta bæði minnkað forskot Malmö á toppi deildarinnar í fjögur stig. Malmö er með 60 stig og á þrjá leiki eftir en AIK og Norrköping eru bæði með 53 stig og eiga eftir að spila í 27. umferðinni á morgun og á mánudaginn.