„Hann drap þá“

Chapcoense.
Chapcoense. AFP

Moises Santos, leikmaður brasilíska knattspyrnufélagsins Chapecoense, segir flugslysið þar sem 76 manns týndu lífí sínu i Medellín í Kólumbíu á dögunum, ekki hafa verið slys.

Santos var einn af þeim leikmönnum sem ferðuðust ekki með liðinu í Kólumbíu þegar þetta hörmulega slys átti sér stað en meirihlutinn af liði Chapecoense týndi lífi sínu.

Aðeins þrír leikmenn í vélinni lifðu slysið af en einn þeirra mun geta leikið fótbolta á ný. Santos telur þetta ekki hafa verið slys.

„Þarna voru framin morð, þetta var ekkert slys. Það er ekki hægt að biðja um mikið frá manneskjum og maðurinn sem flaug með liðið rústaði fjölskyldum og borginni Chapeco í leiðinni,“ sagði Santos.

mbl.is
Fleira áhugavert
Fleira áhugavert