Hægri bakvörður Real Madrid, Dani Carvajal, hefur beðist afsökunar á því hvernig hann fagnaði jöfnunarmarki liðsins gegn Barcelona í spænsku 1. deildinni í knattspyrnu í gær.
Miðvörðurinn Sergio Ramos jafnaði metin með skallamarki á 90. mínútu og niðurstaðan 1:1. Carvajal sneri sér að stuðningsmönnum Barcelona og sýndi þeim miðfingurinn í fagnaðarlátunum.
„Ég vil biðja stuðningsmenn afsökunar á því að hafa látið ögranir þeirra hafa áhrif á mig. Það ætti ekki að gerast,“ skrifaði Carvajal á Twitter að leik loknum. Real Madrid er í efsta sæti deildarinnar, sex stigum á undan Barcelona.
Mynd af Carvajal fagna markinu má sjá hér að neðan:
Dani Carvajal politely reminding the Barcelona fans how many goals they scored this afternoon https://t.co/TjIKZAkxbP pic.twitter.com/OEA7zkPygM
— MailOnline Sport (@MailSport) December 3, 2016