Sverrir Ingi Ingason, landsliðsmiðvörður í knattspyrnu, er byrjaður að æfa með spænska 1. deildarliðinu Granada og mun innan tíðar skrifa undir samning við félagið.
Greint er frá því á heimasíðu Granada í dag að verið sé að ganga frá síðustu atriðunum í samningnum við Lokeren, en Granada kaupir Sverri frá belgíska félaginu og samkvæmt heimildum mbl.is nemur kaupverðið um 230 milljónum króna.
Frétt mbl.is: Þetta er gott skref fyrir Sverri
Sverrir gekkst undir læknisskoðun í gær og gekk hún vel.
Fyrsti leikur Sverris með Granada gæti verið á laugardaginn þegar liðið sækir Espanyol heim til Barcelona.
Uppfært kl. 10.30: Granada birti þessar myndir af Sverri á æfingunni rétt í þessu:
Comienza la sesión de entrenamiento del #GranadaCF en la Ciudad Deportiva. ⏱️ Empieza a correr la cuenta atrás para Cornellá #EternaLucha pic.twitter.com/laS3tLYVI0
— Granada C.F. (@GranadaCdeF) January 18, 2017