Pascal Dupraz þjálfari franska knattspyrnuliðsins Toulouse veit að lið sitt hefur ástæðu til að óttast um helgina þegar liðið sækir Paris SG heim í frönsku 1. deildinni í knattspyrnu.
Paris SG tók Spánarmeistara Barcelona í bakaríið í Meistaradeildinni í vikunni og vann þá 4:0 og hefur sigrinum verið fagnað vel og innilega í Frakklandi enda einn glæsilegasti sigur sem franskt félag hefur unnið í Evrópukeppni.
„Ég held að Barcelona hafi 700 milljónir evra til að spila úr á meðan við höfum 35. Það er 20 sinnum meira svo fjórum sinnum 20 er 80. Svo ef við töpum, 79:0, er rökrétt að tala um að við gerum betur en Barcelona. En ef við töpum, 79:0, þá munum við líta út eins og fífl,“ sagði Dupraz í gamansömum tón við fréttamenn.