Real Madrid hafði betur gegn Espanyol í spænsku A-deildinni í knattspyrnu í dag, 2:0.
Alvaro Morata kom Real yfir eftir rúmlega hálftíma leik og var það eina mark fyrri hálfleiks. Gareth Bale bætti við í seinni hálfleik og tryggði góðan sigur Real. Leikurinn var sá fyrsti hjá Bale síðan í nóvember en hann hefur verið að glíma við meiðsli.
Real fór upp í 52 stig með sigrinum og munar fjórum stigum á Real og Barcelona sem er í 2. sæti.