Breytingar hjá Randers

Breytingar hafa verið gerðar hjá danska úrvalsdeildarliðinu Randers sem Ólafur Helgi Kristjánsson er þjálfari.

Eftir afar dapurt gengi Randers síðustu vikurnar hafa vaknað upp spurningar um stöðu Ólafs í þjálfarastarfinu. Hann nýtur hins vegar fulls trausts hjá stjórnendum Randers en félagið tilkynnti á vefsíðu sinni í dag að Ole Nielsen íþróttastjóri Randers hafi verið látinn taka poka sinn.

Eftir góða byrjun á tímabilinu þar sem Randers var í toppbaráttunni hrökk allt í baklás og eftir að hafa aðeins náð aðeins að  krækja í eitt stig í síðustu níu leikjum sínum í deildinni endaði Randers í sjöunda sæti í deildarkeppninni og komst þar með ekki í úrslitakeppni sex efstu liðanna um meistaratitilinn.

Með liði Randers leikur landsliðsmarkvörðurinn Hannes Þór Halldórsson.

• Blogga um frétt