Edinson Cavani hélt upp á nýja samning sinn með Paris SG með því að skora 2 mörk þegar liðið rótburstaði Mónakó, 5:0, í undanúrslitum frönsku bikarkeppninnar í knattspyrnu í kvöld.
Julian Draxler, Blaise Matuidi og Marquinhos skoruðu hin þrjú mörk Parísarliðsins sem lék Mónakó grátt og engu líkara en að liðið sé með hugann við leikina við Juventus í undanúrslitum Meistaradeildarinnar.
Paris vann Mónakó 4:1 í úrslitaleik deildabikarkeppninnar fyrr í þessum mánuði en liðin berjast um meistaratitilinn. Þau eru jöfn að stigum með 80 stig.
Paris SG mætir liði Angers í bikarúrslitaleiknum.