Juventus hefur gengið frá kaupum á Juan Cuadrado frá Chelsea. Kaupverðið er um 17,3 milljónir punda. Kólumbíumaðurinn hefur verið að láni hjá Juventus í tvær leiktíðir en félagið á nú leikmanninn.
Cuadrado hefur orðið Ítalíumeistari með Juventus bæði tímabilin sem hann hefur verið hjá félaginu. Hann kom til Chelsea árið 2015 eftir góða spilamennsku með Fiorentina og kólumbíska landsliðinu á HM 2014.
Hann spilaði aðeins 13 leiki fyrir Chelsea.