Ítalska goðsögnin Francesco Totti greinir frá því á Twitter-síðu sinni að leikurinn á móti Genoa á sunnudaginn verði hans síðasti leikur með Roma.
Totti, sem er 40 ára gamall, á magnaðan feril með liði Roma en hann lék sinn fyrsta leik með liðinu árið 1993.
Totti, sem oft er nefndur herra Roma, hefur leikið með Roma frá því hann var 13 ára gamall. Leikir hans með liðinu eru orðnir 783 og mörkin 307 og hann er markahæsti leikmaðurinn í sögu félagsins.
Hann hefur einu sinni orðið ítalskur meistari með Roma og hefur unnið bikarkeppnina í tvígang en Totti hefur spilað í 25 ár samfleytt með Roma í ítölsku A-deildinni.
— Francesco Totti (@Totti) May 25, 2017