Argentínski miðjumaðurinn Javier Mascherano í liði Barcelona þarf að gangast undir aðgerð vegna meiðsla á hné sem hann varð fyrir í bikarúrslitaleiknum gegn Alaves um nýliðna helgi.
Mascherano verður frá æfingum og keppni næstu sex vikurnar í það minnsta sem þýðir að hann verður ekki með argentínska landsliðinu í leikjunum á móti Brasilíu og Singapúr í næsta mánuði.