Aron Einar Gunnarsson, landsliðsfyrirliði í knattspyrnu og leikmaður Cardiff, var í gær orðaður við pólska meistaraliðið Legia Varsjá í miðlum þar í landi og ku umboðsmaður hans vera staddur í Póllandi.
Aron var valinn leikmaður ársins hjá Cardiff eftir tímabilið í vor og er nú í brúðkaupsferð á Maldív-eyjum ásamt Kristbjörgu Jónasdóttur eiginkonu sinni.
Aron Einar er samningsbundinn velska liðinu til ársins 2018. Hann hefur leikið með liðinu í sex ár en hefur verið orðaður við ýmis lönd eftir síðasta tímabil.