Christiano Ronaldo skoraði eitt mark fyrir Evrópumeistara Portúgala sem unnu 4:0 sigur á Nýja-Sjálandi í Álfukeppni FIFA. Portúgalir eru þar með komnir í undanúrslit en þangað tryggðu Mexíkóar sig einnig í dag.
Portúgalir unnu A-riðil á markamun en þeir hafa 7 stig líkt og Mexíkó sem vann Rússland 2:1.
Ronaldo skoraði mark sitt úr víti á 33. mínútu en þeir Bernardo Silva, Andre Silva og Nani skoruðu hin mörkin.
Aleksandr Samedov kom Rússum yfir á 25. mínútu en fimm mínútum síðar svaraði Nestor Araujo. Hirving Lozano skoraði svo sigurmarkið á 52. mínútu.
Yuri Zhirkov fékk að líta rauða spjaldið á 68. mínútu er hann fékk sitt annað gula spjald.
Rússar og Ný-sjálendingar sitja eftir með sárt ennið.
Á morgun verður leikið í B-riðli þar sem Síle go Þýskaland eru í kjörstöðu með fjögur stig en Ástralía og Kamerún með eitt stig. Á morgu mætast Síle og Ástralía og Þýskaland og Kamerún.