Arsenal og Liverpool með sigra
Setja bókamerki
Ensku úrvalsdeildarliðin Arsenal og Liverpool unnu æfingaleiki sína í dag. Bæði lið undirbúa sig nú af krafti fyrir ensku úrvalsdeildina sem hefst eftir tæpan mánuð. Arsenal vann Bayern München og Liverpool vann Crystal Palace.
Í Kína hafði Arsenal betur gegn Bayern München í vítaspyrnukeppni en staðan eftir venjulegan leiktíma var 1:1. Robert Lewandowski kom Bayern yfir með marki úr vítaspyrnu á níundu mínútu en Alex Iwobi jafnaði fyrir Arsenal í blálokin og tryggði liðinu vítaspyrnukeppni. Arsenal skoraði úr þremur vítum en Bayern aðeins tveimur. Arsenal mætir Chelsea í næsta vináttuleik sínum á laugardaginn kemur.
Liverpool og Crystal Palace mættust svo í Hong Kong og svo fór að Liverpool vann 2:0 sigur. Donimic Solanke, sem kom frá Chelsea í sumar, skoraði fyrsta markið á 61. mínútu með hnitmiðuðu skoti utan teigs og Divock Origi tvöfaldaði forskotið með skoti af stuttu færi á 79. mínútu og þar við sat. Næsti leikur Liverpool á undirbúningstímabilinu er gegn Hertha Berlin eftir tíu daga.
Vona að Orkustofnun veiti ekki virkjunarleyfi
Veiting hvalveiðileyfis ekki brot á EES-samningi
„Þetta náttúrulega endar með ósköpum“
Tapa fimm milljónum á dag
Æskuvinur Íslendings myrtur í Noregi
Handtekin eftir að tvö börn fundust látin
Bifreið ekið á skrifstofu Útlendingastofnunar
Árshátíð ríkislögreglustjóra haldin í Tékklandi