Ítalska knattspyrnufélagið AC Milan staðfesti í dag að miðvörðurinn Leonardo Bonucci hefði skrifað undir fimm ára samning við félagið en hann kemur til Milan frá Juventus.
Félögin komust að samkomulagi um 42 milljóna evra kaupverð á Bonucci á föstudaginn var og nú hefur hann gengist undir læknisskoðun og samþykkt eigin kaup og kjör.
Bonucci spilaði 227 leiki fyrir Juventus og skoraði í þeim 15 mörk. Hann hefur leikið 70 leiki fyrir landslið Ítalíu og skorað í þeim fimm mörk.
Varnarmaðurinn Mattia De Sciglio hefur svo farið í hina áttina. Juventus kaupir De Sciglio á 12 milljónir evra og hann skrifar undir fimm ára samning við Juventus.
OFFICIAL: @mattia_desci joins Juventus: https://t.co/pen6vmeNVt #BenvenutoMattia pic.twitter.com/NOSSzn9CBU
— JuventusFC (@juventusfcen) July 20, 2017