Enn vinna Guðmundur og félagar

Guðmundur Kristjánsson lék allan leikinn fyrir Start sem vann 2:1-útisigur á Ull/Kisa í norsku B-deildinni í knattspyrnu í dag.

Þetta var þriðji sigur Start í röð og er liðið í öðru sæti, átta stigum á eftir toppliði Bodø/Glimt, en fjórum stigum á undan Sandnes Ulf. Efstu tvö liðin fara beint upp í efstu deild. 

Kristján Flóki Finnbogason skrifaði undir þriggja og hálfs árs samning við Start í gær og gæti hann leikið gegn Tromsdalen á sunnudaginn kemur. 

• Blogga um frétt