Mikil læti brutust út á Goodison Park í Liverpool í kvöld en enska úrvalsdeildarliðið Everton fékk þá heimsókn frá Hadjuk Split frá Króatíu í Evrópudeildinni í knattspyrnu. Eftir um hálftíma leik fóru stuðningsmenn Hadjuk Split að slást sín á milli og þurfti að stoppa leikinn í nokkrar mínútur vegna þess, en einhverjir stuðningsmenn komust inn á völlinn.
Að lokum náði lögreglan stjórn á stöðunni og leikurinn hélt áfram. Gylfi Þór Sigurðsson var kynntur sem leikmaður Everton fyrir leik og er hann á Goodison Park að fylgjast með liðsfélögum sínum.
Þegar fréttin er skrifuð er staðan 2:0 fyrir Everton.