Manchester United fór vel af stað í Meistaradeild Evrópu í knattspyrnu í kvöld og vann öruggan 3:0-heimasigur á Basel frá Sviss í 1. umferð riðlakeppninnar. Marouane Fellaini, Romelu Lukaku og Marcus Rashford skoruðu mörk United. CSKA Moskva vann Benfica á útivelli í hinum leik A-riðils, 2:1.
Í B-riðli unnu stórliðin Bayern München og PSG örugga sigra og Chelsea fór illa með Qarabag í C-riðli og vann 6:0 sigur á heimavelli. Roma og Atlético Madrid gerðu markalaust jafntefli í hinum leik riðilsins.
Barcelona vann öruggan 3:0-sigur á heimavelli gegn Juventus í stórleik D-riðils. Lionel Messi skoraði tvö mörk og Ivan Rakitic eitt. Sporting vann svo sterkan 3:2-útisigur á Olympiacos í hinum leik riðilsins.
Öll úrslit kvöldsins má sjá hér:
Benfica - CSKA Moskva 1:2
Seferović 50. -- Vitinho 63. Zhamaletdinov 71.
Bayern München - Anderlecht 3:0
Lewandowski 12. Thiago 65. Kimmich 90.
Celtic - Paris Saint-Germain 0:5
Neymar 19. Mbappé 34. Cavani 40. 85. sjálfsmark 83.
Chelsea - Qarabag 6:0
Pedro 6. Zappacosta 30. Azpilicueta 55. Bakayoko 71. Batshuayi 76. sjálfsmark 82.
Roma - Atlético Madrid 0:0
Barcelona - Juventus 3:0
Messi 45. 69. Rakitić 56.
Olympiacos - Sporting 2:3
Pardo 89. 90. -- Doumbia 2. Martins 13. Fernandes 43.