Edinson Cavani, framherji franska knattspyrnuliðsins Paris SG, er sagður hafa hafnað tilboði frá félaginu um að fá 1 milljón evra fyrir að leyfa Brasilíumanninum Neymar að taka vítaspyrnur liðsins.
Þeir Cavani og Neymar lentu í harkalegu rifrildi á dögunum um hvor þeirra ætti að taka vítaspyrnu í leiknum gegn Lyon, en svo fór að Cavani tók hana en brást bogalistin. Rifrildi þeirra hélt áfram eftir leik og er Neymar sagður fara fram á það við forráðamenn PSG að þeir selji Cavani í janúar.
Franskir fjölmiðlar greina frá því að Nasser Al-Khelaifi forseti Parísarliðsins hafi boðið Cavani að fá 1 milljón evra, jafngildi 128 milljóna króna, fyrir að leyfa Neymar að framkvæma vítaspyrnur liðsins en það sama upphæð og Cavani fær í bónus frá félaginu verði hann markahæsti leikmaður liðsins á tímabilinu.